Friday, December 12, 2008

வர்ண டப்பா


வர்ண டப்பா


------------------


மழைநாள் மாலையில்


வானவில் தெரிந்தது .


குறுஞ்செய்தி கிடைத்து நீ இரவு வருவதற்குள்


அது அழிந்து விட்டது


அதிகாலை பயணத்தில் தேயிலை காடுகளின்


துளிர் பச்சை வர்ணத்தை


நீ உறங்கியபடி கடந்து விட்டாய் .


ஜன்னல் வழி கடந்த


விநோதப் பறவையின் வர்ணத்தை


யாரோடோ தொலைபேசியில் பேசியபடி தவற விட்டாய் .


யாவற்றையும் பின்பொருநாள் உன்னிடம்


காட்டவென எடுத்து வைத்திருக்கிறேன்


மகனின் வர்ண பூச்சுகளும்


தூரிகைகளும் சேகரிக்கும் டப்பாவில் .



இறுதி வார்த்தை


இறுதி வார்த்தை

-----------------------
வீரியமானதாய் இருக்கிறது விஷம்

நீர் குவளையிலிருந்த நீரனைத்தையும்

கீழே ஊற்றி விட்டேன் .

செல்பேசியைச் சிதைத்து விட்டேன் .

ஒரு சொட்டு எண்ணெய் இருக்கிறது

விளக்கில்

திரியின் நுனியில் இருக்கும் சுடர்

மங்கிக்கொண்டே வருகிறது .

இறுதிச் சொட்டிலிருக்கும்இந்தப்பேனாவால்

இன்னும் ஒரு வார்த்தைதான் எழுதலாம் .




எவருடைய பெயரையாவது எழுதிவைக்கலாம் .

என் சுயமரணத்திற்கு காரணமாய்

ஆனால் எனக்கு இப்போது

ஒரு கவிதை எழுதி வைக்கலாம் போலிருக்கிறது .

நீர்ப்பூ


நீர்ப்பூ

--------

மழைப் பொழிகிறது

வீட்டின் கூரையிலிருந்து

சொட்டுச்சொட்டாய் விழுகிறது

மழைநீர் .

ஒவ்வொரு துளீயும்

பூமியைத்தொடும் பொழுது

பூவொன்றுத் தோன்றி அடங்குகின்றது .

யாராலும் எடுக்கவோ

எடுத்து சூடவோயியலாத

நீர்ப்பூவொன்று .

(உயிரெழுத்து - நவம்பர் 2008)

தீ


தீ


---


தீ


தீக்குள் எரிந்துகொண்டிருந்தது


தீயின் மேல் தீ எரித்துக்கொண்டிருந்தது


தீ


தீயை சுற்றிலும் எரித்துக்கொண்டிருந்தது


எனக்கு நடுத்தீ வேண்டும்


மயில்வர்ண நடுத்தீயை


விரட்டிக் கொண்டு ஒடினேன்


காட்டின் இறுதிவரைக்கும்


மயில்வர்ணத்தீயை எரித்து அடங்கியது


தீ .



சாம்பல் காட்டுக்குள்ளிருந்து


வெளிவந்தேன் .


(உயிரெழுத்து நவம்பர் 2008)



மலை.....


மலை.....

_____________



பாறையை

வெடி வைத்து தகற்பவனிடமிருந்து

இம்மலையை

ஒளித்து வைக்கச்சொல்லி கேட்டேன்

உன் கவிதைக்குள்

அதை எழுதி வைத்து விட்டுப்போ என்றான்... (உயிரோசை )

கணக்கற்றவை....




கணக்கற்றவை....


.____________________


கணக்கற்று உதிரும் இலைகளை


கணகற்று உதிரும் பூக்களை


கணகற்று உதிரும் பொழுதுகளை


கணகற்று உதிரும் பருவங்களை


பார்த்திருகின்றேன் ..


கணக்கற்ற முறைகள்


ஒரு போதும் பார்க்க முடிந்ததில்லை


கணகற்றவைகள் உதிர்ந்து விழுவதை.....


(உயிரெழுத்து இதழ் நவம்பர் 2008)

சிறு மலர்


சிறு மலர்

--------------

இன்னமும்

பிறக்காத பூவொன்றை

சூடி திரிகிறது

இன்னமும் பிறக்காத

குழ்ந்தை ஒன்று

விதைகுள்ளிருகிறது மலர்..

கருவறைக்குள் இருக்கிறது குழ்ந்தை...

கர்பினியின் நினைவிலோ

நாளும் பூத்து குலுங்குகிறது

அச்சினஞ்சிறு மலர்.
(உயிரெழுத்து இதழ் -நவம்பர் 2008)

Wednesday, December 10, 2008

கண்டனக் கவிதைப் போராட்டம்

கடலலைகளின் பின்னணியில்கவிஞர்களின் கண்டனக் கவிதைப் போராட்டம்பல்லாண்டுகளுக்குப் பிறகு ஈழத்தமிழர்கள்பால் தமிழகத்தின் கவனமும்அனுதாபமும் குவிந்திருப்பதன் நீட்சிகளில் ஒன்றாக, கடந்த ஏழாம் திகதிஞாயிற்றுக்கிழமை மெரீனா கடற்கரையில் நடந்தேறிய கண்டனக் கவிதைப்போராட்டத்தைக் கூறலாம். இந்நிகழ்வானது, ஈழத்தில் இடம்பெயர்ந்து அகதிகளாகஅலைக்கழியும் மக்களின் துயரத்தினை வெளிப்படுத்தி அவர்களை நோக்கி ஆதரவுக்கரம் நீட்டியிருக்கிறது.காலை ஒன்பது மணிக்கு ஆரம்பித்து மாலை ஐந்து மணிவரை நடைபெற்ற இந்நிகழ்வில்தமிழகத்திலின் பல்வேறு பகுதிகளிலிருந்தும் கவிஞர்கள், கலைஞர்கள் மற்றும்எழுத்தாளர்கள் வந்து கலந்துகொண்டு சிறப்பித்தார்கள்.கண்டனக் கவிதைப் போராட்டத்தில் தொடக்க உரை நிகழ்த்திய கவிஞர் லீனாமணிமேகலை, அகதிகளாகி ஈழத்தமிழர்கள் படும் அவலங்களை எடுத்துரைத்ததுடன்,அப்பிரச்சனை குறித்த அரசியல் மௌனங்களைச் சாடிப்பேசினார். பறையொலிக்கும்,கற்பனை வளம் மிகுந்த ஒப்பாரிக் கலைஞரான லஷ்மியின் பிரலாபத்திற்கும்அலையோசை பின்னணி இசைத்தது. பல்வேறுபட்ட உணர்வுடையவர்கள்,கருத்துடையவர்கள் ஒரு நல்ல நோக்கத்திற்காகக் கூடியிருப்பதையிட்டுமகிழ்வதாக கவிஞர் சுகிர்தராணி தனது உரையில் குறிப்பிட்டார். கவிஞர் இன்பாசுப்பிரமணியம் பேசுகையில், "நமது முதுகில் இருக்கும் உலகத்திற்குக்கண்கள், காதுகள் மட்டுமே இருக்கின்றன. வாய் கிடையாது. அதனால் நாம்பிரயோகிக்கும் வார்த்தைகளில் கவனம் வேண்டும்"என்றார். எந்த அரசையோதனிமனிதரையோ சாடிப் பேசுதல் ஆகாது என்ற நிபந்தனைகளுடன் கூடிய அனுமதி,அத்தனை கவிஞர்களுக்குமிடையில் சப்பணமிட்டு அமர்ந்திருந்ததை நிகழ்வுநெடுகிலும் காணக்கூடியதாக இருந்தது.யவனிகா ஸ்ரீராம், எஸ்.தேன்மொழி, கம்பீரன், தமிழச்சி தங்கபாண்டியன், தாராகணேசன், கு.பழனிச்சாமி, ராஜா சந்திரசேகர், தமிழ்ச்செல்வன், செல்வகுமாரி,சரவணகுமார், மரகதமணி, நிஷாந்தினி, பாலை நிலவன், அக்கினி சிவகுமார்,அ.வெண்ணிலா, லதா ராமகிருஷ்ணன், பழ.புகழேந்தி, கண்டராதித்தன்,அய்யப்பமாதவன், ஸ்ரீதேவி, டி.எஸ்.எஸ்.மணி, சக்தி அருளானந்தம், இளங்கவிஅருள், பத்தினாதன், சுகுணா திவாகர், இன்குலாப், இளம்பிறை, கோணங்கி,பாக்கியம் சங்கர், சல்மா பிரியதர்சன், நரன், கு.உமாதேவி, ராஜதுரை,வ.ஐ.ச.ஜெயபாலன், தமிழ்நதி, பிரியம்வதா,இசை,கனகபாரதி,ஐகோ, யாழன் ஆதி,இன்பா சுப்பிரமணியம், பவுத்த அய்யனார், வ.கீதா, அ.மங்கை, ரேவதி, உமாஷக்தி பிரசன்னா ராமஸ்வாமிஅபிலாஷ், விஜயலஷ்மி, கனிமொழி, சுகிர்தராணி,தினகரன், சந்திரா, கிருஷாங்கினி, ஆனந்த், செந்தமிழ் மாரி, யூமா வாசுகி,ரமேஷ் பிரேதன், அரங்கமல்லிகா இவர்களோடு மேலும் பலர் கவிதை வாசிப்பில்கலந்துகொண்டனர். செம்பை மணவாளன், றொபேட், ரவி சுப்பிரமணியன் ஆகியோரால்இடையிடையே உணர்வெழுச்சி மிக்க பாடல்களும் பாடப்பட்டன.ஈழத்துக் கவிஞர்களான கருணாகரன், சேரன், பா.அகிலன், சிவரமணி ஆகியோரின்கவிதைகளும் அங்கு வாசிக்கப்பட்டன. ரவி சுப்பிரமணியனின் கணீரென்றதும்உருக்கமானதுமான வாசிப்பு அக்கவிதைகளை மெய்யான பொருளில் வெளிக்கொணர்ந்தன.கவிஞர் யூமா வாசுகி தனதுரையில், 'கவிஞர்களின் கண்டனப் போராட்டமானதுஉணர்வெழுச்சி மிக்க எதிர்ப்புக்குரல்'என்றார்.மதியத்தின் பின்னான நிகழ்வுகளை எழுத்தாளர் கோணங்கி, கவிஞர் ரவிசுப்பிரமணியம் ஆகியோர் தொகுத்தளித்தனர். கவிஞர்களின் போராட்டத்திற்குஆதரவு தெரிவித்து கனடாவிலிருந்து எழுத்தாளர் அ.முத்துலிங்கம், கவிஞர்இளங்கோ, இலண்டனிலிருந்து எழுத்தாளர் நாகார்ஜுனன் ஆகியோர் அனுப்பியிருந்தஅஞ்சல்கள் அக்கூட்டத்தில் வாசிக்கப்பட்டன. இறுதியாக, வளர்மதியின்நெறியாள்கையில் நாடகம் ஒன்று நிகழ்த்தப்பட்டது. இனப்படுகொலையை மையமாகக்கொண்ட அவ்வளிக்கை பெரும் வரவேற்பைப் பெற்றது.கண்டனப் போராட்டத்தின் தீர்மானங்களை தமிழில் கவிஞர் லீனா மணிமேகலையும்ஆங்கிலத்தில் கவிஞர் தமிழச்சி தங்கபாண்டியனும் வாசித்தார்கள். பல்வேறுஊடகங்களைச் சேர்ந்தவர்களும் அங்கு சமூகமளித்திருந்தமை குறிப்பிடத்தக்கது
நன்றி
-------
பதிவு : தமிழ் நதி
நன்றி :www.tamilpoets.blogspot.com

கண்டன கவிதைப்போராட்டம்


கண்டன கவிதைப்போராட்டம்