வர்ண டப்பா
------------------
மழைநாள் மாலையில்
வானவில் தெரிந்தது .
குறுஞ்செய்தி கிடைத்து நீ இரவு வருவதற்குள்
அது அழிந்து விட்டது
அதிகாலை பயணத்தில் தேயிலை காடுகளின்
துளிர் பச்சை வர்ணத்தை
நீ உறங்கியபடி கடந்து விட்டாய் .
ஜன்னல் வழி கடந்த
விநோதப் பறவையின் வர்ணத்தை
யாரோடோ தொலைபேசியில் பேசியபடி தவற விட்டாய் .
யாவற்றையும் பின்பொருநாள் உன்னிடம்
காட்டவென எடுத்து வைத்திருக்கிறேன்
மகனின் வர்ண பூச்சுகளும்
தூரிகைகளும் சேகரிக்கும் டப்பாவில் .
No comments:
Post a Comment