போகிறேன்

இந்த நாற்காலி ஏற்கனவே அமர்ந்திருக்கிறது

அதன் மடிமேலேறி அமர்கிறேன் .

சாவகாசமாய் தன்னைப் பரப்பிப் படுத்திருக்கும்

மெத்தையின் மேல் குப்புறக் கவுத்துகிறேன் என்னை .

ஓயாது நடந்து கொண்டேயிருக்கும்

சாலையின் மேலேறிப் போகிறேன் .

போகிறேன் ....போய்க்கொண்டேயிருக்கிறேன்

ஒரே சமயத்தில் நேராய் ,தலை கீழாய் ...

இன்னும் எப்படியெல்லாமோ தன்னை இருத்தியிருக்கும்

கல்லை சற்று நகர்த்திப் போட ...

போக ..போக

கல் பெரிய மலையாகிக் கொண்டிருந்தது .